Ministri i Shtetit për Marrëdhëniet me Parlamentin, dhe njëherësh dhe Drejtues Politik i PS për Diasporën Taulant Balla zhvilloi një takim në qytetin e Firencez me shqiptarët që jetojnë në rajonin e Toskanës.
Ministri Balla e ka cilësuar pjesëmarrjen e Diasporës në zgjedhjet e 11 Majit si një moment historik.
“Unë dhe kolegët e mi që kemi ardhur sonte këtu do t’ju kërkonim të votonit Partinë Socialiste dhe Edi Ramën, dhe unë do ta quaja historik mandatin e katërt. Shqiptarët në shumicë edhe në Shqipëri edhe në diasporë e dinë fare mirë, se nëse duam ta shohim Shqipërinë tonë, anëtare të Bashkimit Europian këtë mund ta bëjmë vetëm me Edi Ramën dhe Partinë Socialiste.”
Ministri Balla theksoi se emigrantët shqiptarë janë ambasadorë të Shqipërisë në Itali dhe në gjithë Europën, duke dhënë një kontribut të rëndësishëm për ndërtimin e një imazhi pozitiv të vendit.
“Një pikë tjetër që dëshiroj të theksoj në këtë ndërhyrje është marrëdhënia e ngushtë mes Shqipërisë dhe Italisë. Italia mbetet gjithmonë avokati ynë në rrugën drejt integrimit europian. Siç thotë gjithmonë Kryeministri Rama, ne jemi të bindur se Shqipëria do të bëhet anëtare e Bashkimit Europian deri në vitin 2030, do të përfundojmë marrëveshjen e anëtarësimit deri në vitin 2027, dhe nga 2027 deri në 2030 do të jetë periudha e ku parlamentet e vendeve anëtare të BE-së do të duhet të miratojnë marrëveshjen e anëtarësimit”, deklaroi ministri Balla.
