Taulant Balla nga Elbasani ku ndodhej sot për takim me strukturat e PS ironizoi kreun e PD, duke thanë se Lulzim Basha nuk paguan faturën e ujit të pijshëm që nga shtatori i 2017.
“Ky është i pari që e ka filluar mosbindjen civile, pastaj po e ndoqi njeri mbrapa mirë. E sigurtë që nuk do ta ndjekë njeri mbrapa”, tha Balla.
Sipas Ballës, për Bashën sot koefiçenti i lumturisë matet me sa mund ti bëjë keq Shqipërisë.
“Detyra jonë është të vazhdojmë ti bëjmë mirë Shqipërisë. Edhe pak ditë, pavarsisht tymit të gomave, çizmeve, klithmave, ne do të kemi mundësi që më 17 prill të marim një lajm të mirë për Shqipërinë, që është rekomandimi i Komisionit Evropian për hapjen e negociatave me Shqipërinë. Jam shumë i sigurtë çizmet , klithmat, gomat, Luli, Saliu, Monika do vazhdojnë të njënjtën këngë, detyra jonë është të krijojmë sa më shumë punë për shqiptarët, të cilët ende nuk kanë pasur mundësi tju jepet një vend pune”, u shpreh kreu i grupit te PS-se.
