TIRANË- Nuk është e vërtetë që zv.drejtori i Burgjeve i ka shkruar një letër Edi Ramës ku ankohet për emërimet e LSI në burgje. Sipas Partisë Socialiste e gjitha është një fabrikim i SHQUP-it.
Në një prononcim për mediat, nënkryetari i grupit parlamentar të PS-së, Taulant Balla reagoi ndaj deklatarës së Arben Ristanit, duke thënë se PD po gënjen e mashtron, për përfitime politike.
Letra e zëvëndës drejtorit të burgjeve, deklaroi Balla, është shtypur në një kompjuter në zyrat e PD-së çka tregon se sa poshtë ka rënë opozita, duke fabrikuar të tilla letra.
Sipas Ballës, kjo është papërgjegjshmëri dhe akt kriminal.
