Ministri i Brendshëm Taulant Balla, njëkohësisht drejtues politik i PS-së në qarkun e Fierit, zhvilloi sot një takim me Asamblenë e Partisë Socialiste në Mallakastër.
Gjatë fjalës së tij, Balla informoi se duke filluar nga java e tretë e marsit PS do të zhvillojë zgjedhjet e veta të brendshme.
“Partia Socialiste do të zhvillojë, duke filluar nga java e tretë e marsit, zgjedhjet e veta të brendshme nga niveli bazë, tek zgjedhja e delegatëve të Kongresit më 20 prill dhe prej tij Asamblenë e re Kombëtare”.
Ai tha se ky proces është mundësi për një hapje të re të partisë socialiste.
“Ky proces është një mundësi e madhe për një hapje të re shumë serioze, shumë reale të Partisë Socialiste në të gjitha nivelet tona të organizimit ndaj njerëzve të zotë, profesionistë të të gjitha fushave, të gatshëm të japin kontributin e tyre për Shqipërinë 2030”, tha ai./Opinion.al
