Kryeministri Edi Rama ndodhet ditën e sotme në Greqi, ku po zhvillon takimin e radhës me shqiptarët në Athinë.
Shefi politik për diasporën, Taulant Balla hapi takimin e sotëm dhe në nisje falënderoi emigrantët shqiptarë për mikpritjen.
Gjatë fjalës së tij, ai dha premtimin se brenda mandatit të 4-ërt do të realizohet marrëveshja me Greqinë për pensionet.
“Të dashur bashkëatdhetarë, shumë faleminderit për këtë mikpritje kaq të bukur, kaq të madhe! Natyrshëm që një prej ndalesave të këtij turi falenderimesh për një numër historik bashkëatdhetarësh të regjistruar për të dhënë votën e tyre më 11 Maj.
Plot 65 mijë bashkëatdhetarë janë regjistruar për të mbështetur Shqipërinë europiane! Siç mbyllëm 16 marrëveshje në këto 12 vite me 16 vende për të njohur pensionet, do ta mbyllim brenda këtij mandati edhe marrëveshjen për pensionet me Greqinë!”, deklaroi ai.
