Kreu i grupit parlamentar të PS, Taulant Balla ka përdorur të njejtën ‘simbolikë’ si Elisa Spiropali kur foli sot në parlament në lidhje me marshimin që do të zhvillohet sot nga Presidenti Meta.
“BesëLikja” e quajti edhe ai nismën e presidentit dhe shtoi se ajo është pjesë e “frontit për të penguar” ecjen para të reformës në drejtësi.
“Ajo që dua të vlerësoj dhe përsëri rikthehem te raporti i Komisionit, është një lajm shumë i mirë për shqiptarët, për fat të keq ditën që reforma në drejtësi u miratuar bashkë me të është ngjizur edhe një aleancë e paskrupullt politikanësh të korruptuar për të bërë gjithçka për ta penguar. Bënë gjithçka mundën deri atë ditë, por por bëjnë tashmë gjithçka për ta dëmtuar, edhe ‘Besëlikja’ me Republikën e re, janë sot në të njëjtin front për të penguar cdo lloj ecje përpara për të penguar ecjen para të reformës në drejtësi dhe rrugën europiane. Çdo protestë nuk do arrijë të pengojë këtë rrugë të historisë”, tha Balla.
Në fjalën e tij Balla përmendi gjithashtu edhe progres raportin e Komisionit Europian i cili rekomandoi celjen e negociatave me Shqipërinë. Ai akuzoi Presidentin se me luftën kundër reformës në drejtësi po i prish imazhin Shqipërisë dhe se e ka humbur të drejtën për të përfaqësuar unitetin kombëtar duke paralajmëruar kështu edhe një shkarkim të mundshëm të tij.
“Në këtë ditë të rëndësishme nga ana o komisionit europian të njëjtët proeuropianë që janë kundër reformës në drejtësi përpiqen të dëmtojnë imazhin e vendit. Kjo është shprehje e gjendjes së rëndë psikologjike që e kemi paralajmëruar 4 vite më parë, e kemi thënë se sa më shumë afrohen institucionet e reja të drejtësië, aq më keq është. Presidenti e ka humbur të drejten e njeriut për të përfaquesuar uniten kombëtar, e ktheu Presidencin në seli të opozitës, tani po e legalizon këtë shkelje. Ai është një prej 4 drejtuesve të opozitës por kurrsesi President i Republikës.”, u shpreh Balla. /Opinion.al
