TIRANE- Taulant Balla, n/kryetar i grupit socialist duke folur për mediat, pas mbledhjes tha se Gramoz Ruçi vendosi të rrëzojë kërkesën e Arta Dades dhe Mimoza Hafizit për të analizuar atë çka ndodhi në Elbasan me Ben Blushin, pasi kjo është një çështje lokale. “U vendos që ta trajtojë Asambleja e rrethit të Elbasanit dhe jo grupi parlamentar i PS”, tha Balla.
Pjesë nga deklarata e Taulant Ballës para selisë së PS-së
“Kërkesa e dy kolegeve për një shqetësim të tyre për mbarëvajtjen e një prej takimeve të shumta për anëtarësimit e reja, konkretisht në Elbasan u vlerësua nga kryetari i grupit, Gramoz Ruçi se kjo çështje më shumë për grupin parlamentar është çështje e Asamblesë së PS së Elbasanit. Duhet të diskutohet atje.
U pretendua se duhet diskutuar edhe në grup, por nuk u ndalëm shumë tek kjo çështje. Shqetësimi i anëtarëve të grupit kishte të bënte më shumë me disa deklarata të përditshme të Ben Blushit për gjoja kriminelë në PS. Iu kërkua në mënyrë të përsëritur të tregonte kush janë kriminelët? Nuk tha asnjë emër.
Edhe në cilësinë e n/kryetarit të grupit deklaroj me përgjegjësi të plotë Partia Socialiste ka mbështetur procesin e dekriminalizimit. Gjithë kjo sintoni e Blushit me SHQUP-in është për të ardhur keq.
Po për incidentin në Elbasan, Z.Balla se keni qenë i pranishëm?
Për atë që quhet incident në Elbasan dua të them se PS na ka caktuar detyra ndaj nuk duhet ti fyejmë njerëzit në salla. Duhet të kuptojnë se kush janë hallet e atyre në sallë. Sigurisht që nuk është halli i tyre se se ne duam të ngjisim një hap në karrierë. Deputetët në respekt të rregullave duhe ta nisin fjalimin me përshëndetje dhe jo me fyerje të njerëzve në sallë.
A ka pasur ofendime në mbledhje dhe për çfarë?
Nuk ka pasur ofendime por denate me tone të nxehta për atë që thuhet procesi i dekriminalizimit. Iu tha deputetit Blushi të nxjerrë emrat e kriminelëve dhe ai tha jo në këtë grup nuk ka kriminel…
/Opinion.al
