TIRANE- Deputeti Taulant Balla sulmoi sot kolegun e tij Ben Blushi, i cili sfidon Ramën në Korçë, duke prezantuar platformën dhe duke mbledhur njerëz në një ditë me të.
Balla thotë se Blushi po flet njësoj si Basha.
“Ja pse une kam te drejte kur them qe kolegu yne Ben Blushi po flet me gjuhen e SHQUP-it.
Blushi sot ne Korce: Sa më të mëdha dështimet e korrupsioni, aq më shumë çirret Rama.
Basha sot ne Facebook: Sa më të mëdha dështimet e korrupsioni, sa më thellë shkon varfëria e papunësia, aq më shumë çirret propaganda e Rames”.
Kështu shkruan Balla në një status në Facebook.
Sakaq ka reaguar (jo zyrtarisht) PS e Korçës. Sipas tyre Blushi në asnjë moment të bashkëbisedimit me mbështetësit e tij në Korçë nuk e ka thënë fjalinë që i atribuon Balla. “I gjithë bashkëbisedimi i Blushit është i regjistruar dhe i zbardhur nga mediat e pranishme dhe lehtësisht mund të verifikohet mashtrimi publik i Ballës”.
“Blushi në asnjë moment nuk ka thënë një fjali të tillë dhe mediat lehtësisht mund ta konstatojnë këtë”, janë shprehur burime nga strukturat lokale të PS-së së Korçës që morën pjesë në takimin e Blushit.
