Gjatë fjalës së mbajtur në foltoren e Kuvendit, ministri i Brendshëm, Taulant Balla bëri të ditur se autori i dyshuar i zjarrvënies në Pishë-Poro është arrestuar. Balla theksoi se zjarrëvënia ishte e qëllimshme.
“Edhe në rastin e Pishë-Poros dhe Darëzezës, besoj se jeni njohur që personi i dyshuar është arrestuar. Zjarrvënia ka qenë e qëllimshme dhe besoj që këtu duhet të mirëpresim dhe apelin e opozitës që fatkeqësisht nuk e ka bërë një gjë të tillë deri më sot”-tha Balla.
Balla tha se duhet të jepet dënimi maksimal për ata që ndezin zjarre dhe shkaktojnë dëme kolosale në pronën publike dhe private.
“Duhet të kishim pasur më shumë referime nga ana e Policisë së Shteti që dënimi maksimal për ata që vendosin zjarr duke shkaktuar dëme kolosale në pronë publike dhe private, ka ardhur koha që të merret dhe në Shqipëri. 15 vite përcakton Kodi Penal ndaj atyre që vendosin zjarr”-tha Balla.
