Presidenti i “Balfin Group”, sipërmarrësi i njohur shqiptar Samir Mane ka treguar në “Opinion” se kjo kompani do të jetë që nga Shtatori prezent dhe në Shtetet e Bashkuara të Amerikës.
E krijuar në vitin 1993 në Vienë të Austrisë, “Balfin Group” që operon në 9 shtete të Evropës, në SHBA do të merret me me Real State.
-Në sa vende është i shtrirë aktualisht “Balfin Group”?
Samir Mane: Aktualisht është i shtrirë në 9 vende, së shpejti në Shtator do të jemi në vendin e 10-të. Është një kompani tashmë multi-funksionale.
-Në cilat vende jeni?
Samir Mane: Shqipëri, Maqedoni, Kosovë, Kroaci, Mal i Zi, Bosnje, Austri, Holandë, Zvicër…
-Dhe vendi i 10-të?
Samir Mane: Vendi i 10-të është Amerika, nga Shtatori do të jemi me aktivitet atje.
-Me se do të merret “Balfin” në Amerikë?
Samir Mane: “Balfin” në Amerikë do të merret me Real State, do fillojnë projektet e para në Shtator.
-Do ndërtoni shtëpia në Amerikë?
Samir Mane: Do ndërtojmë shtëpi në Amerikë, po! Kemi gjetur vendet, po studiojmë, aty janë lejet më të kollajshme. Amerika është një nga vendet me mundësitë reale dhe qartësinë e madhe të biznesit.
