Enada Hoxha, tashmë një artiste e njohur dhe shumë e vlerësuar në Shqipëri, ka rrëfyer në një intervistë për “InTv” një pjesë të së shkuarës së saj, për të cilën ajo s’kishte folur më parë.
Hoxha rikthehet në kohën kur sapo kishte ardhur në Shqipëri nga studimet në Itali, si studentja e vetme e baletit në atë kohë, që kishte studiuar jashtë shtetit. Bëhej fjalë për vitet ’90, kur sapo kishin nisur emisionet dhe konkurset e para të organizuara nga regjisorja Vera Grabocka në displinën e baletit modern.
Edhe pse Enada ka qenë gjithmonë e apasionuar pas baletit klasik, ajo tregon që kishte një dëshirë shumë të madhe në atë kohë për të qenë pjesë dhe pse jo fituese e këtyre konkurseve.
“I them babait tim, i cili e njihte dhe Verën dhe bashkëshortin e saj aktorin e mirënjohur Timo Flloko sepse kishin studiuar bashkë, të fliste me Verën për t’u bërë pjesë dhe unë e konkursit. E pashë që u gëlltit dhe nuk i erdhi mirë, sepse ai gjithmonë më thoshte që puna jote do të të nxjerrë në dritë, megjithatë më tha ‘ok, do shkoj të flas’. Vjen në shtëpi dhe më thotë që ‘fola, por më tha le të kalojë njëherë vajza këtej dhe pastaj të vendosim’. Që nga ai moment thashë me vete ‘nuk do shkoj’, sepse më erdhi keq që im atë mori këtë përgjigje. Dhe hoqa dorë, mirëpo nuk ja kam thënë babait tim përse hoqa dorë. Ai tashmë ndihet krenar për mua!” tregon Enada për prezantuesen Arjola. /anabel.al/
