Real Madrid duket se do të presë verën për të bërë revolucionin në skuadër.
Por, për Realin ekziston dhe një problem brenda skuadrës, dhe ai është Gareth Bale, mësohet se agjenti i anësorit uellsian është shprehur se klienti i tij nuk do të pranojë të largohet këtë verë, edhe nëse Reali arrin marrëveshje me ndonjë klub.
Shumë media sportive kanë shtuar zërat se shumë shpejt Bale do të braktis madrilenët, shkak për këtë janë bërë paraqitjet e dobëta në fushë, pavarësisht se blerja e tij i kushtoi shumë Realit.
Pritej që Bale, pas largimit të Ronaldos të “merrte në dorë” skuadrën, por mesa duket drejtuesit janë zhgënjyer me uellsian.
Marca ka raportuar se trajneri Zinedine Zidane i ka kërkuar klubit ta shesë Bale, edhe me çmim më të ulët nga sa është blerë, pasi nuk e ka më në plane.
Ndërkohë nga ana tjetër agjenti i mesfushorit, Jonathan Barnett, ka folur për televizionin spanjoll Cuatro dhe ka dhënë mesazhin e Bale: “Ai është i lumtur në Madrid. Është futbollist i Realit dhe nuk e mendon për momentin kthimin në Angli, ndaj çdo spekulim për largim të tij është pa asnjë bazë”./ Opinion.al E.Xh.
