Njësoj si Kombëtarja e Shqipërisë, ekipi i Uellsit bëri paradë me autobus të hapur pas rikthimit në vendlindje nga aventura në “Euro 2016”.
Më shumë se 100 mijë tifozë kishin mbushur rrugët e Cardifit në Uells duke përshëndetur heronjtë e tyre, të cilët kaluan çdo parashikim në Euro 2016.
Tifozët zaptuan të gjithë rrugën ku ka kaluar autobusi mbi të cilin qëndrojnë Gareth Bale, e lojtarët e tjerë të Uellsit.
Uellsi, jashtë çdo pritshmërie, arriti deri në gjysmëfinale të Euro 2016, ndërsa u eliminua nga Portugalia pas humbjes 2-0.
Megjithatë ishte një arritje e cila zor se do të përsëritet më nga kjo kombëtare, që lojtarin kryesor kishte padyshim Gareth Bale.
