Azilkërkuesit po largohen nga ambientet e Bibby Stockholm në Dorset pasi bakteri Legionella u gjet në sistemin e ujit të anijes.
Të gjithë ata që janë në bord ka të ngjarë të dërgohen në strehim të ri si masë paraprake.
Ministri i Emigracionit Robert Jenrick mësohet se do të kryesojë takimet për situatën.
Bakteri Legionella, i cili zakonisht gjendet në ujë, mund të shkaktojë një lloj të rëndë infeksioni të mushkërive të njohur si sëmundja e Legjionarëve. Asnjë nga ata në godinën lunduese nuk ka treguar shenja të sëmundjes.
Testimi rutinë i furnizimit me ujë u krye fillimisht më 25 korrik, por Sky Neës kupton se rezultatet nuk u kthyen deri më 7 gusht, në të njëjtën ditë kur azilkërkuesit filluan të hipnin në maune.
Megjithatë, kuptohet që Zyra e Brendshme nuk u njoftua për rezultatet deri dy ditë më vonë, të mërkurën, 9 gusht.
Ministri laburist i imigracionit, Stephen Kinnock, tha se ishte “e jashtëzakonshme” që dukej se kontrollet e duhura nuk ishin bërë përpara se emigrantët të zhvendoseshin në bord./Opinion.al
