Eliminimi nga Liga e Kampioneve nuk është telashi i vetëm i Bajern Mynih në këtë javë. Bavarezët janë ndalur për të dytën ndeshje radhazi në barazim në Bundesligë dhe tashmë po i japin mundësinë skuadrës së Lajpcig që të rihapin kampionatin.
Skuadra e Ançelotit ka barazuar 2-2 në shtëpi ndaj Mainc, një skuadre që luan për mbijetesë në Bundesligë. Bajerni ka marrë vetëm 5 pikë në katër ndeshjet e fundit dhe nesër, nëse Lajpcig arrin të fitojë kundër Shalkes, mund të ngushtojë në 6 pikë diferencën me kryesuesit e Bundesligës, kur mbeten edhe 4 javë për t’u luajtur.
Ndërkaq, është kthyer makthi i rënies për Hamburgun e Mërgim Mavrajt që është mundur në shtëpi nga Darmshtad, ekipi i fundit të tabelës së klasifikimit. Mbrojtësi shqiptar ishte si zakonisht titullar dhe në minutat e fundit u ndëshkua me karton të verdhë.
Rezultatet
Bajern Mynih-Mainc 2-2
16’ Roben, 73’ Tiago / 3′ Bojan, 40′ (p) Brosinski
Herta-Volfsburg 1-0
59’ Ibisheviç
Hamburg-Darmshtad 1-2
90’+3’ Holand / 51′ Sulu, 53′ Plate
Ingolshtad-Verder Bremen 2-4
32’ Lezkano, 62’ (p) Gros / 45′ (p), 81’, 87’, 90’+4’ Kruse
Eintraht Frankfurt-Augsburg 3-1
78’, 87’ Fabian, 90’+1’ Rebiç / 9′ Guveleuv
