Sot u zhvillua seanca e radhës gjyqësore për çështjen “Babale”kundër ish-deputetit demokrat Ervin Salianji, për të cilin Prokuroria ka kërkuar dënimin me 1 vit burg.
Lidhur më këtë çështje, Salianji kërkoi rishikimin e provave, që sipas tij, janë shmangur nga Prokuroria për t’i dhënë tjetër rrjedhë hetimit.
Ish-deputeti i Partisë Demokratike,pas daljes nga seanca, u shprehpër mediat se një provë e fortë në dosjen e Prokurorisë është fakti se aktekspertimi i kompanisë britanike nuk e përjashton faktin që Geront Xhafaj është personi që ka zërin e ngjashëm në videon në të cilën ka publikuar Partia Demokratike.
“Komunikimet telefonike të dy numrave të Albert Veliut, por edhe të Alizotit, të cilët nga data 14 janar, që pretendohet që është bërë regjistrimi dhe deri në fund të shkurtit nuk kanë ardhur në Tiranë. Pra bie me provë shkencore po ashtu pretendimi i dëshmitarit të sajuar që ka ardhur në datë 15 dhe 16 që më kanë dorëzuar mua një material audio apo video. Prova tjetër themelore që është vendosur në këtë dosje që është akt ekspertimi i kompanisë britanike nuk e përjashton faktin që Geront Xhafaj është personi që ka zërin e ngjashëm në videon në të cilën ne kemi publikuar”.
Më herët avokati i ish-deputetit, Ledio Braho, kërkoi që Salianji të shpallet i pafajshëm, ndërsa vetë Salianji kërkoi rishikimin e provave, që sipas tij, janë shmangur nga Prokuroria për t’i dhënë tjetër rrjedhë hetimit.
“Nëse do të doja të bëja një konspiracion kaq te madh do ta bëja me vëllanë e kryeministrit, jo me vëllain e ministrit të Brendshëm. Të rishihen provat që janë shmangur nga prokuroria për t’i dhënë një tjetër rrjedhë hetimit. Audioregjistrimi është i vërtetë. Prokuroria është nisur nga premisa që kam bërë unë lidhjen mes Olldashit dhe Veliut, por tabulatet provojnë që më ka vënë Olldashi në kontakt me Veliun.Prokuroria i referohet në mënyrë të qëllimtë vetëm dëshmisë së Alizotit, duke mos marrë parasysh komunikimet e Alizotit me zyrtarë të lartë të policisë. Në këto përgjime del qartë që po paguhej për dëshmi të rreme. Një provë tjetër e pa kundershtueshme është pavërtetësia e thënieve të Alizotit, që thotë se direkt pas regjistrimet janë nisur në Tiranë. Qelizat telefonike tregojnë qartë se nga 13 janari 2018 deri në 31 janar 2018 Alizoti nuk ka qenë në Tiranë. Ne e kemi disponuar materialin audio në fund të tetorit dhe jo në janar siç thotë Alizoti”, theksoi Salianji./ Opinion.al
