Kryetari i Bashkisë së Tiranës, Erion Veliaj, ka ndarë këtë mbrëmje çmimet “Personalitet i vitit 2015”. Një ndër personazhet i nderuar si personalitet i vitit ishte edhe babai i Sonit, Sadik Malaj, i cili është larguar nga jeta pak ditë më parë.
“Pafund e lumtur dhe e nderuar për çmimin “Personalitet i vitit 2015”, që Bashkia e Tiranës dhe kryetari z. Erion Veliaj, i japin babait tim. Ai ishte një personalitet në fushën e turizmit, ku me shumë punë dhe këmbëngulje arriti të zhvillonte turizmin malor dhe më gjerë, në gjithë Shqipërinë. Promovues në të gjithë botën, të vlerave natyrore të vendit tonë. Krenare për ty babi…. Pafund e lumtur, e nderuar dhe e emocionuar, që emri i babait tim dhe puna e tij e palodhshme në fushën e turizmit shqiptar, lartësohen. Do kisha dashur të ishte me ne dhe të gëzonim familjarisht këtë çmim, por jeta u tregua shume e ashpër me të dhe ai nuk jeton më. Por puna dhe ëndrra e tij do vazhdojnë të realizohen. Të dua shumë babi #mbretiim”, shkruan Soni në Instagram.
