Në pak kohë pritet të publikohet filmi i dedikuar historisë së dashurisë së Princ Harryt dhe dukeshës Meghan Markle.
Ky prodhim kinematografik trajton historinë e tyre të dashurisë dhe vitin e parë si çift bashkëshortësh. Gjithashtu në këtë film është trajtuar edhe marrëdhënia mes Meghan dhe babait të saj Thomas Markle.
Në një skenë të tij tregohet biseda mes Markle dhe të atit pas publikimit në media të lajmit të atakut të tij kardiak.
Meghan (aktorja) shfaqet e shqetësuar dhe shprehet se nuk duhet t’a kishte marrë vesh për atakun nga mediat, ndërkohë që Princ Harry (aktori) thekson se Thomas nuk duhet të fliste me paparacët.
Më pas gjatë telefonatës dëgjohet zëri i aktorit që interpreton Thomas Markle, i cili shprehet se kishte ‘palpitacione zemre’ në vend të ‘atakut kardiak’.
Pas kësaj telefonate Meghan (aktorja) kupton se babai i saj nuk do të jetë i pranishëm në dasmë si dhe që nuk do t’a shoqërojë në altar.
Ajo shpërthen në lot dhe thotë se nuk e përballon dot diçka të tillë. Pas këtij momenti nga filmi ka reaguar babai i dukeshës duke u shprehur thellësisht i zhgënjyer nga mënyra sesi është paraqitur figura e tij në film.
Ai është ndjerë i ‘personalisht i sulmuar’ nga mënyra sesi është trajtuar mungesa e tij në dasëm.
Gjithashtu Thomas Markle theksoi se ai nuk e ‘braktisi’ dasmën me qëllim, por nuk mundi të ishte i pranishëm në këtë moment të rëndësishëm për të bijën për shkak të ndërhyrjes në zemër./Opinion.al/
