Xhevahir Daci, babai i Almir Dacit , shqiptarit që është shndërruar në një nga xhihadistët më të rëndësishëm të ISIS, dhe që aktualisht ndodhet në Siri, deklaron se i biri e la Shqipërinë pasi e larguan nga puna, në kërkim të parave të munguara.
“Almirin e hoqën nga puna si imam i xhamisë së Leshnicës në Pogradec, pasi nuk fali namazin e Bajramit. Më pas u largua në Siri se mbeti pa punë, pa bukë”, ka thënë i ati.
Ai thotë se ka folur për herë të fundit në telefon me të birin gjatë festave të fundvitit.
“Më ka thënë vetëm që është mirë dhe asgjë tjetër. Nuk më ka thënë për adresë. Kur na mori në telefon nuk tha që është në Siri, por në Arabi.”
Gjykata e Krimeve të Rënda ka nisur gjykimin në mungesë të Almir Dacit, i akuzuar për akte terroriste.
Seanca e parë gjyqësore zgjati vetëm disa minuta pasi nuk u paraqitën dëshmitarët e thirrur nga trupi gjykues.
Seanca e radhës është shtyrë për në datën 11 shkurt,
