Kryeministri Edi Rama i ka dhuruar një makinë Leos 9-vjeç, i cili tek “E diela shqiptare” i kërkoi “babagjyshit një makinë për të shkuar në shkollë pasi nuk ecën dot. Babagjyshi i Leos ishte pikërisht kryeministri Rama. Sot ai publikoi foton duke përcjellë Leon në shkollë me makinë.
“Mirëmëngjesi dhe me këtë moment të ditës së saponisur, duke përcjellë në shkollë Leon e vogël me makinën që i kërkoi Babagjyshit në letrën e tij, ju uroj të gjithëve një javë të mbarë”, shkroi Rama në Facebookun e tij mëngjesin e së hënës.
Me 31 Dhjetor Leo ishte tek “e diela shqiptare” ku Ardit Gjebrea lexoi letrën e tij për babagjyshin. 9-vjeçari i ka treguar për mësimet, motrën e cila ka ardhur në jetë, por nuk ka harruar dhe kërkesat. Ai i ka kërkuar babagjyshit një makinë për të ikur në shkollë dhe një kukull për motrën. Dëshira që iu plotësuan nga Kryeministri që u bë babagjysh në emisionin e Gjebreas.
Por teksa poston statusin për Leon të shumtë janë komentuesit që i kujtojnë Ramës se shumë fëmijë kanë braktisur mesimin sidomos në zonat e thella malore ku shkollat janë larg dhe prindërit kanë vështirësi ekonomike.
