Avokati Alban Qafa duke dalë para mediave tek Gjykata e Krimeve të Rënda pretendoi se Emiljano Shullazi nuk ka kryer asnjë nga krimet për të cilat e akuzon prokuroria. “Nuk ka asnjë provë që e implikojnë për kërcënim dhe marrje pasurie”, u shpreh avokati.
“Shullazi nuk e ka kërcënuar biznesmenin Jani Zaka për ti marrë parkingun 1 200 m2 tek ish-parku i autobusëve, por vetëm i ka kërkuar që Ai të zgjidhë mosmarrëveshjen me Fatmir Sinanajn (personin që ia shiti)”, tha më tej avokati.
“Ka një deklarim të Jani Zakës por nuk thotë që është kanosur nag Emiljano Shullazi. Ka pasur vetëm një takim mes tyre, dhe Shullazi i ka kërkuar të zgjidhë problemin që kishte me Fatmir Sinanajn. Për rastet e tjera nuk ka asnjë shtetas që ta ketë kallëzuar”, tha avokati i Shullazit.
Sipas tij, ndërhyrja e Emiljano Shullazit në këtë çështje mes Fatmir Sinanajt dhe Jani Zakës është bërë me kërkesë të djalit të Fatmirit.
“Me gjithë këtë trysni mediatike dhe politike që ka pasur kohët e fundit, ne e prisnim një vendim të tillë ‘arrest me burg’, por do ta apelojmë se s’ka prova ndaj Shullazit, madje as armë nuk i është gjetur”, tha avokati Alban Qafa teksa mbrojti edhe publikisht klientin e tij. /Opinion.al
