Avokati i Emiliano Shullazit, Alban Qafa nuk është lejuar nga policia për të takuar klientin e tij.
Qafa tha përpara mediave se kjo është një “pengesë artificiale”, nga policia e cila më ka kërkuar lejen e prokurorisë së Krimeve të Rënda.
“Të drejtën për të marrë kontakte me të ndaluarin e njeh kodi i procedurës penale…artificë e krijuar për të na penguar në ushtrimin e detyrës sonë. Na u kërkua leje nga prokurori i krimeve të rënda për të takuar klientin” tha për mediat avokati.
Sipas tij, të ndaluarit nuk i pranojnë akuzat që janë ngritur ndaj tyre.
Emiljano Shullazi u arrestua të dielën bashkë me dy shokët e tij pasi akuzohen se u vinin gjobë biznesmenëve të ndryshëm dhe i kërcënonin më pas.
