Pas akuzave ndaj ministres Olta Xhaçka për përfitim nga fondet publike, ka folur avokati i saj Genc Çifligu.
Çifligu deklaron se ajo nuk ka të bëjë me këto përfitime dhe se kërkimet e paraqitura nuk legjitimohen që të vënë në lëvizje Gjykatën Kushtetuese.
Ai shton se nuk ka asnjë kontratë të lidhur mes shoqërisë dhe bashkisë Himarë pasi janë ende në procesin e ndërtimit të strukturës hoteliere.
“Nuk rezulton që deputetja Olta Xhaçka të ketë përfituar fonde publike. Xhaçka si anëtare e kabinetit qeveritar nuk rezulton të ketë përfitime nga të mirat publike.
Kërkimet e paraqitura nuk legjitimohen që të vënë në lëvizje GjK. Nuk jemi në kushtet e papajtueshmërisë.
Nuk ka asnjë kontratë të lidhur mes shoqërisë dhe bashkisë Himarë pasi ndodhemi ende në procesin e ndërtimit të strukturës hoteliere.
Fakti se deputetes i janë drejtuar Kuvendit ne 1 korrik 2022, nuk i legjitimon pasi ka kaluar afati. Afati nis me botimin e vendimit te qeverise për investitorin strategjik më datë 9 mars 2022 në fletoren zyrtare”, –tha ai./Opinion.al
