Pasi Gjykata e Tiranës ka dhënë masën e sigurisë “arrest me burg”, për ish-zyrtaren Alda Klosi, ka dhënë një prononcim për mediat avokati i saj, Ilirjan Muho.
Ai ka hedhur poshtë deklaratën e pastrueses Rozeta Dobi duke thënë se kjo e fundit sa herë është pyetur nga policia ka dhënë versione të ndryshme për ngjarjen.
“Jam i keqardhur nga vendimi i shkallës së parë, ishte një vendim që vlerësoi si të ligjshëm veprimet e prokurorisë, pati një debat të gjatë në këtë seancë. Prokurori paraqiti si provë një deklarim nga Rozeta Dobi. I ka dhënë një vlerë të paracaktuar, është hera e 4 që pyetet dhe sa herë pyetet, jep nga një version të ri prë ngjarjen. Në deklarimin e datës 3 shkurt pretendon se hapat i ka kryer në marrëveshje me Alda Klosin. Nëse do të ishte kështu, si është e mundur që kasaforta është hapur dhe është hedhur në një kazan plerash. Si nëna dhe djali këtë qëndrim kanë mbajtur të dy. Nëse do të pranonim se kjo është e vërtetë, si është e mundur që në banesën e kësaj shtetase si është e mundur që ka pasur në banesën e saj sende të tjera të vjedhura?”-tha avokati.
Kujtojmë se Rozeta Dobi, në deklaratën e fundit para oficerëve të policisë tha se paratë nuk i kishte grabitur nga shtëpia e Klosit, por kjo e fundit ja kishte dhënë vetë për t’i ruajtur./Opinion.al
