Avokati Genc Gjokutaj ka deklaruar se arrestimi i Ilir Metës është politike.
Në konferencën për media nga selia e PL, Gjokutaj ka thënë se nuk ka asnjë provë që mund të implikojë Metën.
Sipas tij qëllimi i arrestimit është eliminimi i Metës nga politika.
“Është e njëjta metodë me liderët e opozitës. Qëllimi është eliminimi i tij politik. Sot merren me një çështje penale Cez-Dia, për të cilën Meta ka dhënë detaje të hollësishme.
Nuk ka asnjë provë që mund të implikojë zotin Meta me këtë masë sigurimi që është referuar sot.
Pra kemi një çështje të gjykuar, me një kallëzues që ose ka bërë dëshmi të rremë, ose kallëzim të rremë, pasi nuk ka qenë identik të rrëfimin e tij. Dhe prapë Meta nuk implikohet.
Procesi, që në fillim është i parregullt. Këto 5 vjet pse nuk u gjet një person ti lexojë aktet. Cili është qëllimi? Politik dhe aspak ligjor.
Nuk po flasim për prokurori dhe gjykatë. Ka rënë sistemi i drejtësisë. Do të vazhdojmë betejën ligjorë, do të konsumojmë të gjitha shkallët e ankimit dhe të gjitha mënyrat e tjera të protestës”, tha Gjokutaj.
