Të gjitha seancat gjyqësore janë bojkotuar këtë të hënë nga avokatët. Ata kundërshtojnë pagat e referncës dhe rritjen e taksës së sigurimeve shëndetësore. Sipas avokatëve, këto tarifa do të ndikojnë direkt në rritjen e çmimeve nga ana e tyre.
Vjollca Pustina, avokate: “Referenca e pagës që na ka caktuar me VMK e fundit qeveria na duket tepër e lart. 206 mijq lekë duhet të paguajmë çdo muaj.
Për kreun e unionit të gjyqtarëve Gerd Hoxha kjo është një situatë e rëndë.
Gerd Hoxha, gjyqtar: “Kjo është një gjendje shqetësuese dhe ne u bëjmë thirrje gjithë organeve kompetente që kanë dorë të ulen dhe te diskutojnë dhe ta zgjidhin sa me parë këtë problem”
Protesta e avokatëve është shtrirë edhe në rrethe. Në Gjirokastër dhe Lushnjë avokatët kanë bllokuar punën e gjykatave.
Përjashtim kanë bërë seancat për vlerësimin e masave të sigurisë, të cilat janë zhvilluar normalisht. Avokatët thonë se nëse kërkesat e tyre nuk merren parasysh, protesta e tyre do të përshkallëzohet dhe mund të kemi bojkotim të gjyqeve me ditë të tëra. /tv Klan/
