Ilyushin II-96-300, një aeroplan i madh shtetëror rus me katër motorë i Skuadronit Ajror Special, u ngrit sot nga Moska Vnukovo në orën 10:05 me kohën lokale, për në veri për të shmangur hyrjen në hapësirën ajrore finlandeze, dhe më pas u kthye nga perëndimi në Atlantik për tu ulur në Uashington.
Sipas mediave të huaja në orën 20:08, pas më shumë se njëmbëdhjetë orë fluturimi ai u ul në Uashington.
Rruga është shfaqur në të gjitha programet e gjurmimit të fluturimeve dhe avioni është i modelit RA-96918.
Për këtë fluturim ka reaguar Maria Zakharova, zëdhënësja e Ministrisë së Jashtme ruse, e cila përjashtoi çdo kontakt apo negociata konfidenciale me administratën amerikane.
“Fluturimi u krye për të sjellë në shtëpi tre diplomatë nga Moska, të cilët janë urdhëruar nga Departamenti i Shtetit që të largohen nga SHBA. Nuk bëhet fjalë për dëbime, por për një skadim normal të vizave të qëndrimit të tre diplomatëve”, tha ajo./Opinion.al
