Autoritetet në Korenë e Jugut deklaruan se 122 persona mbetën të vdekur pasi një avion u rrëzua teksa po bënte ulje në pistën e aeroportit ndërkombëtar të Muan.
Avioni i Jeju Air u përplas me një mur dhe mori flakë pasi doli nga pista gjatë një uljeje emergjente në Aeroportin Ndërkombëtar të Muanit, në Korenë e Jugut, rreth 300 km larg Seulit.
Mësohet se në avion ndodheshin 181 pasagjerë.
Raportohet se të paktën 120 persona kanë vdekur dhe 2 të tjerë kanë mbijetuar. Konkretisht bëhet fjalë për dy anëtarë të ekuipazhit, një burrë dhe një grua, të cilët u shpëtuan nga pjesa e bishtit të avionit.
Avioni ishte një Boeing 737-800. Kompania ka deklaruar se është në kontakt me Jeju Air dhe ka shprehur ngushëllimet e saj për viktimat./Opinion.al
