Avioni i rënë sot në Ishëm sipas kreut të PD-së, Lulzim Basha “është prova e re që tregon se karteli i drogës punon cdo ditë, pa ndërprerje, në të gjitha rrugët”.
“Mohimi nga Rama i denoncimit që bëri në parlament opozita, është përpjekje për të fshehur ngjarjen, për të fshehur të vërtetën e trafikut ajror të drogës. Të gjitha të dhënat janë se avioni është porositur pikërisht nga karteli i droges në zonën e Krujës, për të marrë drogën e Bushit të Rames, që ka mbuluar gjithë zonën deri 2 kilometra larg aeroportit të Rinasit ku siç kemi denoncuar me foto dhe fakte janr mbjellë mbi 50 mijë rrënjë.
Ky është realiteti. Kjo është Shqipëria e zhytur në drogë dhe narkotrafik në të gjitha format.
Ka ardhur koha që shqiptarët ta clirojnë vendin nga sundimi i Kartelit te Droges që shkatërron ekonominë, sjell krime, dhe vret votën e lirë”, tha Basha në një deklaratë.
