Të dhënat më të fundit për avionin e kompanisë ajrore “EgyptAir”, tregojnë se avioni morri flakë para se të rrezohej. Informacioni i ri tregon se, janë lëshuar sinjale alarmi për rreth tre minuta para se të fillonte zbritjen.
Ekspertët nuk kanë përjashtuar mundësinë e pranisë së një “pajisje nxitëse” dhe praninë e një bombe në bordin e avionit. Ndërkohë zyrtarët egjiptianë kanë shprehur dyshimin e tyre për terrorizëm.
Këto të dhëna janë zbuluar në (ACARS), një sistem i cili mundëson komunikimin mes avionëve me objektet tokësore. Qindra njerëz janë mbledhur duke u lutur për shpirtin e 66 pasagjerëve dhe ekuipazhit te vrarë. /tvklan.al
