Një aksident i tmerrshëm ka ndodhur mbrëmjen e djeshme në unazën e Piacenzës në Itali, ku si pasojë humbi jetën një 22-vjeçar shqiptar.
Sipas mediave italiane mësohet se makina e tij u përplas me një autobus.
22-vjeçari i identifikuar si Eriselto Neli po drejtonte një kamionçinë BMË dhe ishte nisur për në hyrje të kabinës së pagesës Piacenza Sud në autostradën A1.
Makina që ai drejtonte rrëshqiti në të majtë dhe u përplas kokë më kokë me një autobus që vinte nga drejtimi i kundërt.
Nga përplasja me parakolpin e autobusit, pjesa e majtë e BMË-së është shpërbërë tërësisht.
Mësohet se kanë qenë kalimtarët ata të cilët ngritën alarmin dhe urgjenca mbërriti në vendngjarje, por mjekët nuk mundën të bënin asgjë përveç se të konstatojnë të vdekur të riun.
Pas aksidentit unaza ka qëndruar për orë të tëra e mbyllur për qarkullimin, për të lejuar operacionet e shpëtimit dhe sigurisë, deri në konstatimet ligjore dhe nxjerrjen e trupit./Opinion.al
