Një autobus turistik ka rënë në lumin Po, pranë Piazza Vittorio Veneto, në qytetin e Torinos.-
Sipas mediave italiane, automjeti ka devijuar jashtë rruge duke u përplasur me murin mbrojtës dhe më pas ka rënë në lumë duke u zhytur pjesërisht në ujë.
Në bord ishte vetëm shoferi, i cili u gjet pa ndjenja dhe pas përpjekjeve të gjata për ta ringjallur, u deklarua i vdekur.
Ngjarja ka ndodhur në zonën e Murazzit, shumë pranë qendrës historike të qytetit.
Sipas hetimeve të para, autobusi po ecte mbrapsht, ndoshta sepse shoferi kishte gabuar rrugën ose kishte pësuar një problem shëndetësor gjatë drejtimit të mjetit.
Gjatë lëvizjes së tij, autobusi ka goditur tre gra, të cilat ndodhen në spital nën kujdesin mjekësor, jashtë rrezikut për jetën.
