Një aksident i rëndë ka ndodhur mëngjesin e sotëm në aksin rrugor Tepelenë-Krahës.Një minibus i linjës Sarandë-Elbasan është përplasur me një mjet tip “Volkswagen”, duke plagosur 9 persona, 5 prej të cilëve në gjendje të rëndë.
Më të lënduarit u nisen me helikopter për në Spitalin e Traumës, në Tiranë, për të marrë një ndihmë më të specializuar mjekësore. Në mjetin tip “Volkswagen” udhëtonte një çift të rinjsh nga fshati Toç i Memaliajt, 18-vjeçarja Shqiponja Xhaferri dhe i fejuari i saj, 26-vjeçari Sokol Brahimi.
Pikërisht 18-vjeçarja edhe pse u dërgua në Tiranë për mjekim të specializuar, ndëroi jetë nga plagët e marra. Në gjendje të rëndë është dhe një prej pasagjerëve të minibusit, 54-vjeçari Syrja Ibrahimi.
Nga përplasja e fortë, minibusi dhe mjeti “Volkswagen”-i kanë dalë nga rruga, ndërkohë që policia e Tepelenës ka nisur hetimet për të mësuar shkaqet e aksidentit./Opinion.al
