Një qytetar ka ndërruar jetë pasi është përplasur nga një automjet pranë fshatit Humelicë në Gjirokastër.
Nga informacionet mësohet se burri është përplasur nga një autobus teksa ishte duke ecur në këmbë. Viktima nuk është identifikuar ende.
Në vendngjarje ndodhen forcat policore, të cilat po punojnë për të zbardhur dinamikën.
Drejtuesi i autobusit do të pyetet lidhur me rrethanat e aksidentit.
Njoftimi:
Gjirokastër/Informacion Paraprak.
Rreth orës 18:15, në aksin rrugorë Tepelenë – Gjirokastër, në afërsi të fshatit Humelic, një autobuz, me drejtues shtetasin L.R, 45 vjeç, banues Vlorë ka goditur një këmbësor, i cili ka ndërruar jetë.
Në vendngjarje ka shkuar grupi hetimor dhe po punon për zbardhjen e shkaqeve të aksidentit.
Drejtuesi i autobuzit është shoqëruar në komisariatin e policisë Gjirokastër dhe po kryhen veprimet procedurale. /Opinion.al
