Ngrihesh herët, bëhesh gati dhe vrapon duke menduar vetëm të kapësh urbanin dhe të arrish orarin e punës. Me frymëmarrjen që të ka bllokuar për disa sekonda futesh në urban dhe pas disa minutash rrugës, e gjen veten të bllokuar në një gropë. Autobusi ka ngecur, dëgjon shoferin që thotë se duhet të dilni prej tij. E ngelur në mes të rrugës, nuk të ngelet asgjë tjetër veçse të presësh urbanin tjetër ose të gjesh një taksi dhe të nxjerrësh nga xhepi disa lekë më shumë.
Po flasim për autobusin e Babrrusë, për të cilin janë dashur dy orë që të dalë prej aty me ndihmën e një kamioni që ka përdorur litar, transmeton “jeta osh qef”.
“Atobuzi i Babrrus ka ngelur ne grope. Ne mengjesi duke ikur per pune kemi dy ore ce kemi ngecuri ketu shyqyri zoti vjen ky kamjoni dhe na nxori nga gropa”, thotë një djalë që ka qenë i pranishëm. Ndërsa në videon e mëposhtme mund të shikoni edhe rrugët me gropa dhe baltë që mund të behen burim aksidenti për këdo.
