Për rreth 1 orë pritet të nisë protesta e opozitës, e cila do të zhvillohet para kryeministrisë.
Protesta është thirrur nga ish-kryeministri Sali Berisha dhe mbështetet nga anëtarët e “Rithemelimit” dhe të grupit të Gazment Bardhit.
Ndërsa Policia e Shtetit ka ndërmarrë një sërë masash për mbarëvajtjen e kësaj proteste. Ku 1100 forca policie priten të jenë në terren.
Autobotet me ujë janë vendosur në pjesën pas Kryeministrisë dhe do të përdoren për të shpërndarë turmën në rast se do të ketë trazira.
Mbi godinën e Kryesisë së Kuvendit janë instaluar pajisje për bllokimin e valëve ndërkohë që shtyllat e ndriçimit pranë kryeministrisë janë lyer me graso për të shmangur ngjitjen në to të protestuesve, siç ka ndodhur në protestat e mëparshme.
