Në një kohë kur Europa dhe SHBA-ja po përballen me masa drastike izolimi, australianët duket se nuk e kanë marrë dhe aq seriozisht rrezikun potencial përballë koronavirusit.
Në vend deri tani janë konfirmuar më shumë se 800 persona me COVID-19, nga të cilët 7 kanë humbur jetë, megjithatë plazhet vijojnë të jenë të populluara.
Kështu, plazhi i famshëm, Bondi, pranë Sidneit, ishte i mbushur me qytetarë, të cilët nuk kanë mundur t’u rezistojnë temperaturave që kanë arritur mbi 32 gradë celsius, por në shkelje flagrante të ruajtjes së distancës për mospërhapjen e koronavirusit.
Deri më tani masa më frenuese e përhapjes së koronavirusit ka rezultuar izolimi i plotë si në Kinë, ndërsa vendet që fillimisht u treguan shpërfillëse si Italia, po përballen me kolaps dhe krizë të thellë./Opinion.al
