Të qarat e djalit të tij Lucas vetëm shtatë javësh nuk e lejonin të përqendrohej ndërsa luante videolojëra. Për këtë arsye Joseph William McDonald, një 22-vjeçar Australian e dhunoi fëmijën duke i shkaktuar dëmtime që disa ditë më vonë e çuan drejt vdekjes. 22-vjeçari, i akuzuar për vrasje nga pakujdesia ndaj një të mituri, pranoi përgjegjësitë e tij pas një përpjekjeje për t’u arratisur. Ai rrezikon deri në 20 vjet burg.
McDonald’s i kishte thënë partneres së tij dhe nënës së foshnjës se fëmija i kishte rënë gjatë ndërrimit të pelenës. Gruaja kishte menduar se gjendja jo e mirë e fëmijës në ditët në vazhdim lidhej me vaksinat, ndaj dhe fëmija u dërgua me vonesë në spital ku mjekët diagnostikuan një dëmtim të shtyllës kurrizore që rezultoi si pasojë e traume agresioni.
Babai u përpoq të arratisej duke u larguar nga spitali dhe vetëm pas arrestimit të tij ai e pranoi krimin, i cili u konfirmua më vonë në gjykatë. Burri do të dënohet në fund të muajit. Në ditët që i paraprinë sulmit, australiani kishte bërë kërkime në internet për të kuptuar se si të frenonte shpërthimet dhe inatin. Ai gjithashtu i dërgoi një mesazh nënës së foshnjës ku shkruante se ishte “bashkëshorti dhe babai më i keq në botë”./Opinion.al
