Këngëtarja e njohur shqiptare Aurela Gaçe, ka njoftuar në faqen e saj në Instagram një lajm të mirë.
Artistja ka ndarë më miqtë dhe me fansat, faktin se ajo është në pritje të ëmbël të fëmijës së saj të dytë.
“Për miqtë e gjithë ndjekësit e mi. Besoj se tani erdhi momenti të ndaj me ju një ndjesi që nuk peëshkruhet me fjalë, por vetëm përjetohet. Unë e Skerdi jemi në pritje të fëmijës së dytë. Jam vetëm 15 javëshe( 3 muaj e 3 javë) dhe nuk me dukej e udhës të bëja publike diçka kaq delicate, perpara se të kalonin ato muaj që mund te quhen edhe të rrezikshëm për një shtatëzëni.
I uroj vetes vetëm të jemi mirë bebi e unë deri në fund. E me këtë Rast, i uroj me shpirt të gjitha ato familje që presin të bëhen prindër, të kenë shëndet e jetë. Paçi bekime.
I falenderoj miqte e mi gazetarë që kanë respektuar një lajm kaq delikat për një nënë. Sigurisht nuk di ç’të them për ata që kanë abuzuar me diçka të tillë, deri duke nxjerrë lajme se jam në muajt e fundit e deri duke nxjerrë edhe diten e lindjes duke mos e respektuar aspak as shëndetin tim, as të fëmijës. Megjithatë në fund të fundit ajo që ka rëndësi është vetëm shëndeti. Paçim shendët e jetë. Kaq! Falenderoj Zotin për këtë bekim e dhuratë pa çmim. Ja u uroj me shpirt të gjithë atyre që mezi e presin t’u vijë në jetën e tyre ky bekim”, shkruan këngëtarja vlonjate, e cila është nënë e një vajzë që quhet Grace./tvklan.al
