Këngëtarja Aurela Gacce, ka zgjedhur një nga mënyrat më të bukura për të prezantuar vajzën e saj, Grace. Aurela ka qënë e ftuar në festën që kopshti i vajzës ka organizuar, dhe aty ka dëgjuar se si Grace këndonte këngen që vet ajo e ka kënduar kur ishte fëmijë. Aurela ka postuar një video në “Instagram”, në të cilën ka bashkuar momentet kur ajo dhe Grace kanë kënduar këtë këngë. Ja çfarë shkruan ajo:
“Më në fund ju prezantoj vajzën, dritën e syve të mi e të Skerdit. Sot unë kam ndjerë një emocion dhe lumturi që nuk përshkruhet. Sot ajo me shokët e shoqet e kopshtit kishin festën . Nuk e dija çfarë kishin përgatitur për mua mësuese Alda dhe profesori i muzikes, Romeo. Grace mori mikrofonin e nga goja e saj e vogël dilte kënga të cilën unë e kam kënduar kur isha vetë fëmijë. Më vinte të qaja nga gëzimi. Një mik i imi bëri këtë miks mes meje si fëmijë e tani fëmijes tim 4-vjeç e gjysmë që këndon “duet” me mamin. Nuk mund të rrija pa e ndarë me ju këte që ndjeva. Mendoj dhe besoj se këtë moment do ta kem unë e ajo në memorje si moment të shtrenjtë. Nuk doja ta prezantoja Grace deri sa ajo të rritej e të vendoste vetë, por ja që nuk durova. Uroj të emocionoheni e të merrni dashuri pa kufi nga vogëlushët tuaj që vërtet na shtojnë jetën”.
