Kryetari i Kuvendit të Shqipërisë, Ilir Meta ka dalë në një konferencë të jashtëzakonshme nga Kryesia e Kuvendit.
Ai deklaroi se është miratuar rendi i ditës për seancën e 21 korrikut.
Meta ka bërë me dije, se seanca e 21 korrikut është një nga seancat më të rëndësishme të historisë së Shqipërisë, ndoshta që nga koha kur u votua Kushtetuta.
Në fjalën e tij, kreyparlamentari i është drejtuar prerazi kryeministrit Rama dhe liderit të opozitës Lulzim Basha, të jenë të hapur në negociatat për reformën, në mënyrë që ajo të arrihet tani dhe jo në çastin e fundit.
“Negociata të hapur për gjithë publikun, moratorium të deklaratave politike, stop përbetimit se kush e do më shumë reformën në drejtësi, koha për transparencë”, tha Meta nga Kryesia e Kuvendit.
Dëgjoni në versionin audio fjalën e kreut të Kuvendit, Ilir Meta në Kryesinë e Kuvendit pak minuta më parë:
