Ish-kryeministri Sali Berisha sapo ka dalë nga komisioni hetimor për çështjen CEZ, është ndalur për pak minuta me gazetarët.
Berisha ka thënë se z.Balla i urdhëruar nga Edi Rama, është i aftë të pështyjë, i aftë të nxijë dhe të denigrojë vetën në një mënyrë që nuk është rritur në këtë tokë. Sipas Berishës, ai nuk ka familje, nuk ka miq, nuk ka nder dhe nuk ka dinjitet.
Ndër të tjera, ai theksoi, se nëse shërbimet e Kuvendit e vendosin, pavarësisht përcaktimit të ligjit të kodit të procedurës penale, i cili është i qartë për përjashtimin e konfliktit të interesesit, unë do t’a miratoj.
Berisha u thirr në rolin e dëshmitarit për periudhën kur ishte kryeministër, rreth marrëdhënieve të qeverisë me CEZ dhe të CEZ me financat shqiptare.
Ish-kryeministri tha se kryetari i komisionit të hetimit parlamentar është “i dënuar nga gjykata” me vendim të formës së prerë prandaj është në konflikt me detyrën e hetimit mbi pastërtinë e çështjeve ligjore.
Kjo është hera e dytë që zoti Berisha paraqitet në komisionin e hetimit mbi CEZ. Herën e parë refuzoi të përgjigjet para deputetit që është i dënuar nga gjykata.
“Shpif e shpif nuk ka të sosur- tha zoti Berisha.- Ky është një shpifës ordiner që s’ka respekt as për vetën e tij. Mashtroi pesë herë para kamerave kur tha që nuk është dënuar. Mashtron edhe tani duke lexuar trillime, për të shpëtuar Edvin Kristaq Ramën nga së paku 35 vjet burg, për vjedhjen skandaloze që u ka bërë shqiptarëve për të ndarë me CEZ 625 milionë euro. Ky që flet është vetëm shpifësi ordiner që ka fytyrën e Edi Ramës”, u shpreh Berisha.
Për më tepër, si më poshtë vijon, ndiqni audio fjalën e ish-kryeministrit Berisha para gazetarëve:
Lojtës Audiosh
