Tre persona kanë mbetur të plagosur gjatë një aksidenti të ndodhur ditën e sotme në aksin nacional Korçë-Pogradec, në afërsi të fshatit Sovjan.
Mësohet se mjeti tip “Audi” me drejtues shtetasin E. H., është përplasur me mjetin karrotrec tip “Benz”, me drejtues shtetasin I. B., rreth 57 vjeç.
Për pasojë janë dëmtuar drejtuesi i mjetit tip “Audi”, shtetasi E. H., dhe dy pasagjerët e mjetit tjetër shtetasja M. T., 55 vjeçe dhe shtetasi J. T., 58 vjeç, të cilët ndodhen nën kujdesin e mjekëve.
Me drejtuesin e mjetit tip karrotrec, shtetasin I. B., po kryhen veprimet e mëtejshme procedurale nga autoritetet.
Grupi hetimor po punon për të sqaruar rrethanat dhe zbardhur shkakun e aksidentit.
