Një aksident ndodhi gjatë natës në bulevardin “Gjergj Fishta” në Lezhë.
Një makinë, tip “Audi” humbi kontrollin dhe u përplas me disa makina të parkuara. Si pasojë janë dëmtuar 5 mjete që po qëndronin të parkuara në zonën pranë “Varrezave të Dëshmorëve”.
Sipas Klan News, ka mbetur i plagosur edhe drejtuesi i “Audit” i cili është dërguar për ndihmë mjekësore në spital.
Nga të dhënat paraprake bëhet me dije se makina ka qenë duke lëvizur me shpejtësi. Për pasojë shoferi ka humbur kontrollin dhe është përplasur me mjetet e parkuara.
