Shqipëria dhe Polonia do luajnë sot në “Air Albania” për grupin E kualifikues të Euro 2024.
Mijëra tifozë kanë mbushur Bulevardin “Dëshmorët e Kombit” në Tiranë, që me këngë patriotike po presin orën për t’u futur në stadium dhe për të parë ndeshjen.
Ndërkohë që hyrja për në impiant ka nisur pak më vonë se ora 17:00.
Mësohet se rreth 22000 bileta janë shitur, çka do të thotë se stadiumi do të jetë i mbushur plot me tifozë, nga të cilët 1200 tifozë polakë të akomoduar në sektorin e miqve si gjithmonë.
Rreth 400 stjuardë të angazhuar dhe 2000 forca policie do të jenë gjatë gjithë kohës prezentë për mbarëvajtjen e sekusesshme të ndeshjes para, gjatë dhe pas ndeshjes në mënyrë që gjithçka të shkojë me sukses.
Në ndeshjen e sotme do të jenë të pranishëm shumë grupe nga të gjitha trevat shqiptare, ka nga Kosova shumë, ka nga Maqedonia e Veriut, ka nga lugina e Preshevës, ka nga Mali i Zi, për të mbështetur ekipin kombëtar drejt objektivit të madh Gjermani 2024./Opinion.al
