Kur na ndajnë vetëm pak orë nga fillimi i ndeshjes mes Shqipërisë dhe Italisë qyteti i Shkodrës po pret tifozë të shumtë të cilët kanë udhëtuar për të parë ndeshjen Shqipëri-Itali në stadiumin “Loro Boriçi”.
Teksa po zhvillohet ekspozita “4 herë kampione” , ku ka marrë pjesë edhe kryeministri Rama, në Shkodër duket se ka nisur edhe atmosfera e tifozëve, e po ashtu është shtuar siguria. Forca të shumta policie po qarkullojnë në rrugët e qytetit për të garantuar sigurinë gjatë ndeshjes, shkruan Birn.
