Benjamin Kiplagat, i cili ka përfaqësuar Ugandën në tre Lojërat Olimpike, është gjetur i vdekur në Kenia.
Sipas mediave të huaja, dyshohet se ai është therur me thikë.
Kiplagat, 34 vjeç, arriti në gjysmëfinalen e Lojërave Olimpike të Londrës 2012 në 3000 metra vrapim me pengesa.
Ai raportohet se u gjet në një makinë me plagë në gjoks dhe qafë, pranë qytetit kenian të Eldoret, i njohur si një qendër kryesore stërvitore për atletët.
Policia keniane thotë se ka nisur një hetim për vdekjen e tij.
World Athletics tha se ishin “të tronditur dhe të pikëlluar” nga lajmi për vdekjen e Kiplagat./Opinion.al
