Sot po mbahet në Shqipëri Samiti i 6-të i Komunitetit Politik Europian, për të cilin do të mblidhen në Tiranë përfaqësues të lartë të Bashkimit Europian dhe të gjithë liderët nga çdo cep i Europës.
Është kryeministri Edi Rama ai i cili është duke pritur liderët botërorë në sheshin Skënderbej.
Por ajo që bie në sy është një detaj i veçantë nga veshja e kryeministrit.
Rama ka veshur një palë atlete me numrin 5, që simbolizon fitoren e PS, numrin në renditje në fletët e votimit të zgjedhjeve të 11 majit, si dhe yllit me 5 cepa.
Kujtojmë se tema e diskutimit të samitit do të jetë “Evropa e re në një botë të re: unitet – bashkëpunim – veprim i përbashkët” dhe është strukturuar në 3 tryeza të rrumbullakëta me tematika të ndryshme.
Ai pritet të përfundojë me konferencën përmbyllëse në orën 18:30 të kryeministrit Rama dhe kryeministres së Danimarkës, si vendi që do të presë samitin e radhës.
