Bledar Mucca i shpëtoi edhe atentatit të sotëm duke marrë plagë të lehta. Kujtojmë se ai ishte edhe në 3 Shkurt në atentatin që iu bë familjes Capja ku mori vetëm gërvishje, ndërsa në lokal u bë kasaphanë me tre të vdekur e tre të plagosur.
Ndërsa sot në qendër të Elbasanit, para Gjykatës dhe prokurorisë, Florenc Capja dhe Bledar Mucca udhëtonin me një makinë kur ndaj tyre u qëllua me breshëri automatiku. Capja është larguar nga vendngjarja, ndersa Mucca mbeti i plagosur lehtë.
Policia e Elbasanit 3 orë pas ngjarjes arriti të nxirrte një komunikatë për të informuar qytetarët mbi këtë ngjarje të rëndë, ku aksidentalisht u plagos edhe një punonjëse policie e cila nga Elbasani është transferuar në Tranë për mjekim të specializuar.
Në një deklaratë paraprake policia njofton se në afërsi të Gjykatës një shtetas ka qëlluar me armë zjarri.
Për pasojë janë plagosur 37-vjeçari Bledar Muça dhe një punonjëse e policisë, 49-vjeçaria M.K. Të plagosurit janë jashtë rrezikut për jetën, ndërsa efektivja e policisë është dërguar në Tiranë për mjekim të specializuar.
Policia për ngjarjen nuk ka asnjë të dyshuar deri tani, ndërsa janë shoqëruar 15 persona: si dëshmitarë dhe të dyshuar.
Shënjestra e sulmt, Florenc Capja dhe Bledar Muca janë personazhe të njohura. Fiset -Capja dhe Mema janë në një hasmëri disa vjeçare që ka marrë shumë jetë në Elbasan. Po kështu edhe Muca është i akuzuar për vrasje, por ngjarjet nuk janë provuar me prova ndaj këto personazhe vijojnë të jenë të lirë.
