Tre persona janë shpallur në kërkim pasi dyshohen se janë autorë të atentatit te mbrëmshëm ku mbeti i plagosur 38- vjeçari Dritan Kasneci.
Policia e qytetit të Elbasanit ka shpallur në kërkim E.GJ, 40 vjeç, M.B, 35 vjeç dhe F.L, 27 vjeç.
Tre personat dyshohen se plagosën me pistoletë në Lagjen “Aqif Pasha” përballë Gjykatës së Rrethit Gjyqësor Elbasan 38 vjeçarin, i cili ndodhet jashtë rrezikut për jetën.
Grupi hetimor gjeti dhe sekuestroi në cilësinë e provës materiale 1 gëzhojë armë zjarri model 54 dhe një predhë të kalibrit 7.62 mm.
Kasneci është qëlluar mbremjen e djeshme teksa ishte i ulur në kafe nga disa persona, për motive që ende nuk bëhen të qarta.
